Malishevë, 4 gusht 2025 –
Një nënkalim i ri në Malishevë, i cili ende nuk është përuruar zyrtarisht, është përmbytur pas reshjeve të fundit, duke shkaktuar reagime të shumta nga qytetarët.
Pamjet nga vendi i ngjarjes tregojnë ujë të akumuluar në nivel të lartë, ndërsa banorët shprehen të indinjuar me mënyrën se si është ndërtuar nënkalimi.
“Është turp që përmbytet ende pa u hapur zyrtarisht! Ku kanë shkuar paratë e komunës?”, pyet një qytetar i zemëruar.
Të tjerë kritikojnë kompaninë ndërtuese për mungesë të sistemit të drenazhimit dhe komunën për mungesë mbikëqyrjeje gjatë punimeve.
Banorët kërkojnë urgjentisht ndërhyrje për të riparuar dëmet dhe për të siguruar që investime të tilla të mos kthehen në rrezik për qytetarët.