Mbrëmjen e së shtunës, më 14 qershor 2025, Forcat e Mbrojtjes së Izraelit (IDF) njoftuan se një tjetër valë e sulmeve me raketa nga Irani ka goditur territorin izraelit. “Sistemet tona të mbrojtjes ajrore janë në veprim për të ndalur kërcënimin. U bëjmë thirrje qytetarëve që të futen menjëherë në zona të sigurta dhe të qëndrojnë aty derisa të jepen udhëzime të tjera,” thuhet në deklaratën urgjente të IDF.
Ndërkohë, televizioni shtetëror iranian konfirmoi nisjen e rreth 100 raketave në drejtim të qyteteve izraelite, duke përfshirë Tel Avivin dhe Haifën si caqet kryesore. Pamjet e para që qarkullojnë në rrjete sociale tregojnë shpërthime të fuqishme në pjesën veriore të Izraelit, me qytetarët që fshihen në strehimore dhe përpiqen të kuptojnë çfarë po ndodh.
Në një tjetër zhvillim dramatik, Jordania ka mbyllur hapësirën ajrore, pasi sirena alarmi janë dëgjuar edhe në kryeqytetin Amman, për shkak të frikës nga përhapja e konfliktit. Mediat arabe raportojnë se disa raketa që u nisën nga Irani kanë kaluar mbi hapësirën ajrore të Jordanisë, duke rritur shqetësimet për përfshirje më të gjerë të vendeve arabe në konfliktin Iran–Izrael.
Forcat ajrore të Izraelit, ndërkohë, po vazhdojnë me intensitet të lartë bombardimet mbi caqe ushtarake në kryeqytetin Teheran, duke goditur baza që Izraeli i konsideron si pjesë të infrastrukturës strategjike ushtarake të Iranit. Një zëdhënës i IDF tha se operacionet ajrore po zhvillohen “me precizion maksimal për të neutralizuar rrezikun iranian në rrënjë”.
Tensionet mes dy vendeve janë rritur ndjeshëm që nga sulmet e para ajrore të Izraelit ndaj qendrave bërthamore të Iranit më 13 qershor, të cilat pasuan me një valë hakmarrjeje nga ana e Teheranit. Ndërkohë që bota pret me ankth ndërhyrjen e fuqive të mëdha për të ndalur një luftë të plotë rajonale, retorika mes liderëve politikë ka përshkallëzuar edhe më shumë atmosferën e krizës.
Analistët ndërkombëtarë kanë paralajmëruar se kjo mund të jetë pika e kthesës drejt një lufte të madhe në Lindjen e Mesme, me ndikim të drejtpërdrejtë në tregjet globale të energjisë, sigurinë ndërkombëtare dhe stabilitetin politik të rajonit.
Presidenti amerikan, kancelari gjerman dhe liderë të tjerë botërorë pritet të mbajnë deklarata në orët në vijim, teksa Kombet e Bashkuara kanë thirrur një mbledhje urgjente të Këshillit të Sigurimit.
Situata është përshkruar nga mediat ndërkombëtare si “momenti më i rrezikshëm në dekadën e fundit”, me frikën