Tensionet mes Iranit dhe Shteteve të Bashkuara kanë marrë një dimension të ri pas deklaratës së komandantit të ri të ushtrisë iraniane, gjenerallejtënant Amir Hatami.
Në një video të publikuar nga mediat shtetërore të Iranit, Hatami ka paralajmëruar se çdo sulm ndaj objekteve bërthamore të Iranit do të marrë një “përgjigje të fortë dhe vendimtare”.
“Ne kemi përballuar Amerikën edhe më parë. Çdo tentativë për agresion ka marrë një përgjigje të fuqishme dhe do të vazhdojë të marrë,” – ka deklaruar Hatami.
Ai shtoi se Irani do të luftojë “me forcë dhe guxim” për të mbrojtur sovranitetin dhe stabilitetin e vendit.
“Ne do të luftojmë për lumturinë dhe të ardhmen tonë me guxim,” – theksoi ai.
Kjo deklaratë vjen pak ditë pas emërimit të Hatamit në krye të ushtrisë iraniane, në kuadër të një riorganizimi të udhëheqjes ushtarake, i cili ndodhi pas vrasjes së disa zyrtarëve të lartë iranianë nga sulmet e dyshuara izraelite.
Situata në rajon mbetet e tensionuar, ndërsa bashkësia ndërkombëtare i bën thirrje palëve për vetëpërmbajtje dhe dialog diplomatik.
📌 Burimi: Gazeta Sinjali | CNN