Deputeti i LDK-së, Besian Mustafa, ka ngritur alarmin për situatën alarmante në sektorin energjetik të Kosovës. Sipas tij, Blloku B1 i Termocentralit Kosova B ka rënë jashtë funksionit vetëm pak minuta më parë, dhe kjo vetëm pak orë pasi kishte dalë nga remonti. Sipas postimit të tij në rrjetet sociale, kjo situatë thellon krizën, pasi Blloku B2 është aktualisht në remont dhe kështu Kosova B është krejt jashtë sistemit energjetik.
“Çka po bën ky menaxhment i KEK-ut, i emëruar nga VV, kështu?!?!” – pyet Mustafa në reagimin e tij, duke akuzuar drejtpërdrejt keqmenaxhimin e pushtetit aktual.
Situata energjetike po rëndohet edhe më tepër nga faktin se Blloqet e Kosovës A kanë rënë një nga një dhe aktualisht po funksionon vetëm Blloku A5, duke lënë gjithë Kosovën praktikisht të mbetur vetëm në një bllok energjetik.
Për të mbuluar mungesën e prodhimit vendas, energjia po blihet nga jashtë me çmime të larta, gjë që sipas Mustafës po pasuron funksionarët e VV-së ndërkohë që qytetarët përballen me kriza energjetike dhe çmime të rritura.
Situata aktuale energjetike në Kosovë duket shumë e brishtë dhe e ndikuar rëndë nga menaxhimi i dobët i KEK-ut. Rënia e bllokut B1 vetëm pak orë pasi doli nga remonti tregon probleme serioze në mirëmbajtjen dhe planifikimin operativ të termocentraleve. Me bllokun B2 gjithashtu jashtë funksionit dhe Kosovën A në gjendje të dobët, Kosova po mbetet e varur nga importi i energjisë, gjë që do të rëndojë financat publike dhe do të rrisë koston për konsumatorët final.
Akuzat për keqmenaxhim nga menaxhmenti i emëruar politikisht shtojnë presionin mbi qeverinë dhe institucione përgjegjëse për sektorin energjetik. Nëse nuk ndërmerren masa urgjente për përmirësim të menaxhimit dhe investime në mirëmbajtje, rrezikohen ndërprerjet e shpeshta dhe krizë energjetike me pasoja të gjera ekonomike dhe sociale.