Presidenti i Serbisë, Aleksandar Vuçiq, ka dhënë një deklaratë të fortë që ka ndezur shqetësime në rajon. Ai ka theksuar se ushtria serbe është më e përgatitur dhe më e armatosur se kurrë më parë.
“Ushtria e Serbisë sot është më e fuqishme se në çdo periudhë tjetër moderne. Ne kemi punuar në heshtje, pa zhurmë, dhe kemi arritur të armatosemi në fshehtësi me pajisje moderne ushtarake,” u shpreh Vuçiq në një konferencë për media në Beograd.
Ai shtoi se investimet në sektorin ushtarak janë rritur ndjeshëm gjatë viteve të fundit dhe se qëllimi është mbrojtja e sovranitetit të vendit.
Këto deklarata vijnë në një kohë të tensionuar në rajon, veçanërisht pas zhvillimeve në veri të Kosovës. Ekspertët paralajmërojnë se retorika e tillë rrezikon të ndezë konfliktet dhe të destabilizojë më tej situatën në Ballkanin Perëndimor