Pas më shumë se 30 vitesh pritje, padrejtësish dhe dhimbje, një familje shqiptare nga Mitrovica ka arritur më në fund të rikthehet në banesën e tyre që ishte uzurpuar për dekada të tëra.
Familja e të ndjerit Nezir Gashi është rikthyer në pronën e tyre në veri të Mitrovicës, duke shënuar një moment historik dhe emocional jo vetëm për ta personalisht, por edhe për shumë familje të tjera shqiptare që ende jetojnë me shpresën për kthim në shtëpitë e tyre të braktisura ose të uzurpuara.
Sipas burimeve, banesa e familjes Gashi kishte qenë e uzurpuar që nga fillimi i konflikteve në Kosovë, dhe pas një procesi të gjatë ligjor dhe administrativ, më në fund është liruar dhe kthyer në pronësi të ligjshme të familjes.
Ky kthim është simbol i drejtësisë së vonuar, por të merituar, dhe një shpresë për shumë të tjerë që presin të shohin sërish derën e shtëpisë së tyre të hapet.
Familjarët janë shprehur thellësisht të emocionuar dhe mirënjohës ndaj institucioneve që kontribuuan në realizimin e këtij kthimi.