Prishtinë, 13 gusht 2025 – Maturantët e shkollave të mesme të larta në gjithë vendin kanë tashmë mundësinë të paraqesin online aplikimin për afatin e dytë të provimit të maturës shtetërore. Procesi zhvillohet përmes Platformës zyrtare eKosova, nga data 13 deri më 22 gusht 2025.
Shërbimi “Apliko për paraqitje të provimit të maturës – Afati i dytë” mund të gjendet në këtë link: ekosova.rks-gov.net/505.
Hapat për aplikim:
- Identifikohuni në Platformën eKosova.
- Klikoni mbi “Shërbime”.
- Zgjidhni kategorinë “Arsimi”.
- Klikoni “Apliko për paraqitje të provimit të maturës – Afati i dytë”.
Ky shërbim është krijuar për të lehtësuar procesin, duke i mundësuar maturantëve të plotësojnë të gjitha procedurat online, pa pasur nevojë të paraqiten fizikisht në shkollë apo institucione të tjera.
Platforma e shërbimeve elektronike eKosova
Kalimi i procesit të paraqitjes së maturës në formë online është një hap pozitiv drejt modernizimit të shërbimeve publike në arsim. Kjo jo vetëm që kursen kohë dhe mund, por redukton edhe radhët e gjata dhe burokracinë. Implementimi i platformës eKosova po bëhet gjithnjë e më thelbësor për digjitalizimin e administratës shtetërore.