Deputetët e Kuvendit të Kosovës do të mblidhen përsëri nesër në ora 11:00 për seancën e 31-të me radhë, në përpjekje për të konstituuar Kuvendin.
Ashtu si në seancat e kaluara, edhe kësaj radhe nuk pritet që opozita të propozojë ndonjë kandidat për përbërjen e komisionit të fshehtë, i cili është i nevojshëm për votimin e fshehtë të anëtarëve të organeve të Kuvendit.
Lëvizja Vetëvendosje pritet të kandidojë sërish Albulena Haxhiun për kryetare të Kuvendit, kandidaturë që vazhdon të kundërshtohet nga partitë opozitare.
Ndërkohë, sot kryetari i Lidhjes Demokratike të Kosovës, Lumir Abdixhiku, ka prezantuar një plan me 15 pika për formimin e një qeverie të unitetit kombëtar, në përpjekje për të tejkaluar bllokadën institucionale.