. Kosova do të ketë shtëpinë e saj në Forum për të dytin vit me radhë.){kind=link}
Kryeministri në detyrë i Republikës së Kosovës, Albin Kurti, ka udhëtuar drejt Davosit në Zvicër, ku do të marrë pjesë në Forumin Ekonomik Botëror (WEF), ku pritet të jenë të pranishëm liderë nga e gjithë bota.
Lajmi është bërë i ditur nga Zyra e Kryeministrit, e cila njofton se:
“Fryeministri në detyrë i Republikës së Kosovës, Albin Kurti, ka udhëtuar drejt Davosit në Zvicër, ku do të marrë pjesë në Forumin Ekonomik Botëror (WEF) mes liderëve të shumtë nga e gjithë bota. Në kuadër të WEF, Kosova do ta ketë për të dytin vit me radhë shtëpinë e saj. Kryeministri Kurti do të marrë pjesë në ngjarjet dhe panelet e diskutimit që organizohen në Shtëpinë e Kosovës, krahas edhe takimeve zyrtare bilaterale me udhëheqës të lartë dhe investitorë në margjina të Forumit Ekonomik Botëror.”
Pjesëmarrja e Kurtit në WEF 2026 synon të forcojë pozicionin e Kosovës në arenën ndërkombëtare, të promovojë mundësitë për investime dhe të krijojë partneritete strategjike me liderë dhe investitorë globalë.