Një zjarr i fuqishëm ka shpërthyer në një ndërtesë 67-katëshe në zonën luksoze Marina të Dubait, duke detyruar autoritetet të evakuojnë afro 4000 banorë. Fatmirësisht, nuk ka raportime për viktima apo të lënduar. Zjarri shpërtheu në orët e para të mëngjesit dhe përfshiu disa kate të objektit. Ekipet e zjarrfikësve ndërhynë me shpejtësi dhe arritën të vendosnin situatën nën kontroll. Pamjet e publikuara tregojnë flakë të mëdha dhe tym të dendur që ngrihej nga ndërtesa. Shkaqet e zjarrit janë ende në hetim nga autoritetet lokale.
