Cllevio publikon për herë të parë foto me partneren – Pamjet po bëjnë xhiron e rrjetit (FOTO)
Reperi i njohur shqiptar Kleviol Ahmeti, i njohur nga publiku si Cllevio, ka surprizuar ndjekësit duke publikuar për herë të parë fotografi pranë partneres së tij, duke zbuluar një anë më personale të jetës së tij.
Pas rikthimit në skenën muzikore dhe angazhimeve të shumta me koncerte e performanca, duket se artisti po shijon edhe një periudhë të lumtur në jetën private.
Përmes disa postimeve në llogarinë e tij në Instagram, Cllevio ndau momente romantike me partneren, fotografi që brenda pak orësh tërhoqën vëmendjen e mijëra ndjekësve dhe nisën të qarkullojnë gjerësisht në rrjetet sociale.
Në një nga fotografitë, të realizuar para pasqyrës, reperi shkroi:
“E fus gjum, tregoj nga e shkuara.”
Ndërsa në një tjetër, ku çifti shihet i përqafuar duke ecur së bashku, ai publikoi një dedikim emocional:
“E çoj nga e ardhmja plot inspirime, aventura.”
Megjithëse vendosi të ndajë disa momente nga lidhja e tij, Cllevio ka zgjedhur të mos zbulojë identitetin e partneres, duke e mbajtur atë larg vëmendjes së publikut. Pikërisht ky detaj ka nxitur reagime dhe komente të shumta, me ndjekësit që kanë filluar të aludojnë se kush është vajza që i ka fituar zemrën artistit.
Në fakt, kjo lidhje nuk është krejtësisht e re. Në një intervistë të mëhershme, Cllevio kishte treguar se ndodhet në një marrëdhënie prej afro dy vitesh dhe kishte lënë të kuptohej se partnerja e kishte mbështetur gjatë periudhave më të vështira të jetës së tij.
Publikimi i këtyre fotografive konsiderohet si hera e parë që reperi vendos ta ndajë publikisht lumturinë e tij me fansat, të cilët e kanë përgëzuar me komente pozitive dhe urime për çiftin.