Millosh Antoviq, i njohur me nofkën “Xhaja”, ka pranuar fajësinë për disa vepra penale të rënda, përfshirë edhe sulmin ndaj pjesëtarëve të KFOR-it dhe Policisë së Kosovës më 29 maj 2023 në komunën e Zveçanit.
Prokuroria Speciale dhe i akuzuari kanë arritur një marrëveshje për pranim të fajësisë, e cila është miratuar tashmë nga Gjykata Themelore në Prishtinë. Sipas kësaj marrëveshjeje, Antoviq ka pranuar fajësinë për këto vepra penale:
- Sulm ndaj personit zyrtar
- Pjesëmarrje në turmë që kryen vepër penale – huliganizëm
- Blerje, posedim, shpërndarje dhe shitje e paautorizuar e narkotikëve
- Posedim i paautorizuar i armëve
Aktakuza ndaj tij ishte ngritur më 30 korrik 2025, ndërsa ai gjendet në paraburgim që nga 15 prilli i këtij viti. Para gjykatës, Antoviq deklaroi se është i vetëdijshëm për pasojat e pranimit të fajësisë dhe se me këtë veprim heq dorë nga e drejta për një proces të rregullt gjyqësor, përfshirë thirrjen e dëshmitarëve dhe prezantimin e provave.
Prokurori Bekim Kodraliu propozoi që i pandehuri të dënohet me 5 vjet burgim efektiv dhe gjobë prej 20 mijë eurosh, duke përfshirë edhe kohën e kaluar në paraburgim. Po ashtu, kërkoi që masa e paraburgimit të mos ndërpritet deri në hyrjen në fuqi të vendimit përfundimtar.
Edhe mbrojtja është pajtuar me këtë dënim, duke propozuar që gjoba të paguhet me këste, për shkak të gjendjes financiare të klientit.
Gjykata ka miratuar marrëveshjen për pranim të fajësisë, duke e cilësuar si një vendim të drejtë dhe proporcional për veprat penale të kryera.
Rasti i Millosh Antoviqit nënvizon një moment delikat për sigurinë dhe drejtësinë në Kosovë. Pranimi i fajësisë nga një person i akuzuar për sulm ndaj trupave ndërkombëtare të KFOR-it dhe Policisë së Kosovës përfaqëson një hapi të rëndësishëm në drejtim të llogaridhënies penale për aktet që kërcënojnë sigurinë dhe rendin kushtetues.
Ndërkaq, fakti që ai u akuzua edhe për veprat tjera të rënda si shpërndarja e drogës dhe posedimi i armëve, nxjerr në pah ndërlidhjen mes dhunës politike, kriminalitetit të organizuar dhe sigurisë së brendshme në pjesë të ndjeshme të vendit. Ky është një paralajmërim për institucionet se krimi nuk është vetëm një çështje ligjore, por edhe **një sfid