Një tjetër zhvillim tronditës në rastin e përgjakshëm “Sekiraqa – Capat” që tronditi kryeqytetin në shtator 2024! Policia e Kosovës, në bashkëpunim të ngushtë me Prokurorinë Themelore të Prishtinës – Departamenti për Krime të Rënda, ka realizuar sot një bastisje në lagjen “Bajram Bahtiri”, duke çuar në arrestimin e një personi të dyshuar për tentim vrasje të rëndë dhe armëmbajtje pa leje.
Burime të sigurta nga vendi i ngjarjes konfirmojnë se gjatë kontrollit u sekuestrua edhe një armë zjarri e tipit pistoletë, e cila dyshohet të jetë përdorur në përleshjen e përgjakshme mes dy grupeve të njohura rivale.
Hetimet po zhvillohen me intensitet të lartë për të zbardhur çdo detaj të këtij rasti që tronditi opinionin publik dhe riktheu në qendër të vëmendjes konfliktin e gjatë mes familjeve Sekiraqa dhe Capat, të cilat prej vitesh njihen si grupe me ndikim dhe tensione të vazhdueshme.
Kujtojmë se në përplasjen e armatosur të shtatorit, një person humbi jetën dhe pesë të tjerë u plagosën, përfshirë edhe emra të njohur të grupeve përkatëse. Ndër ta, më i përfoluri është Salih Sekiraqa, figurë kyçe e grupit Sekiraqa, i cili mbeti i plagosur rëndë në përleshje.
Të plagosur mbetën gjithashtu Korab Gashi (vëllai i viktimës), Robert Llumnica, Fatos Abazi dhe Valdrin Ademi – emra që po analizohen nga autoritetet për lidhjet dhe rolin e tyre në incident.
🔴 A do të sjellë ky arrestim një përmbysje në hetime? Kush tjetër pritet të bjerë në pranga? Hetimet po thellohen, dhe priten zhvillime të bujshme ditëve në vijim!