Një ngjarje shqetësuese është raportuar në fshatin Negroci të Komunës së Lipjanit, ku një 26-vjeçare është zhdukur pa lënë gjurmë që nga orët e para të mëngjesit të së mërkurës.
Sipas burimeve të afërta me familjen, gruaja kishte dalë nga shtëpia rreth orës 03:00 të mëngjesit dhe prej atëherë nuk është kthyer më, as nuk ka kontaktuar me familjarët e saj. Të afërmit kanë raportuar rastin në Polici dhe janë në ankth për gjendjen e saj.
Zyrtarët policorë kanë konfirmuar se kanë nisur hetimet dhe janë duke kërkuar çdo informacion që mund të ndihmojë në lokalizimin e saj. Deri më tani nuk ka të dhëna për vendndodhjen apo ndonjë komunikim nga ana e 26-vjeçares.
Çdo person që ka informacion për vendndodhjen e saj, i kërkohet të njoftojë menjëherë Policinë e Kosovës apo të kontaktojë familjen e saj