Një ngjarje e ndjeshme ka tronditur sot komunën e Suharekës, ku një grua rreth 56-vjeçare ka humbur jetën në rrethana që po hetohen nga autoritetet.
Rasti është regjistruar në fshatin Dobërdelan, rreth orës 10:00 të mëngjesit, kur për viktimën A. I., është raportuar se kishte probleme shëndetësore. Burimet e Sinjalit brenda Prokurorisë kanë konfirmuar se në vendngjarje kanë dalë menjëherë ekipi i emergjencës dhe patrulla policore, të cilët e kanë transportuar të ndjerën në QKMF në Suharekë për ndihmë mjekësore.
Fatkeqësisht, pavarësisht përpjekjeve të mjekëve, rreth orës 10:50 mjeku kujdestar ka konstatuar vdekjen e saj.
Hetuesit rajonalë kanë dalë në vendin e ngjarjes për të mbledhur provat, ndërsa me urdhër të prokurorit kujdestar, trupi i pajetë është dërguar për obduksion në Institutin e Mjekësisë Ligjore në Prishtinë, për të përcaktuar shkakun e saktë të vdekjes.
Autoritetet kanë nisur hetimet për të sqaruar të gjitha rrethanat që çuan në vdekjen e gruas.
📌 Burimi