Një motër nuk është vetëm një shoqe për të ndarë lodrat dhe kujtimet e fëmijërisë. Ajo është një burim i fshehtë i lumturisë, optimizmit dhe forcës emocionale.
Një studim i kryer nga De Montfort University dhe University of Ulster tregon se njerëzit që rriten me motra kanë më shumë gjasa të jenë më të lumtur dhe të ndihen më pozitivë gjatë gjithë jetës së tyre.
Por pse ndodh kjo? Sipas studiuesve, motrat e shtyjnë familjen të komunikojë më hapur, të shprehë më lehtë emocionet dhe të forcojë lidhjet shoqërore. Këto janë “përbërësit magjik” për një mendje të shëndetshme dhe për një shpirt të mbushur me shpresë.
Edhe kur mes motrave lindin grindje apo debate, ato në fakt na mësojnë të kuptojmë emocionet tona dhe të tjerëve, të jemi më empatikë dhe të ndjejmë se kemi gjithmonë dikë në krah. Një motër është kujtesa që nuk je kurrë vetëm – qoftë më e madhe, më e vogël apo binjake, ajo po forcon çdo ditë qëndrueshmërinë tënde emocionale dhe optimizmin që të mban gjallë në ditët më të vështira.
Prandaj, nëse ke një motër, kujtohu t’i thuash faleminderit që ekziston – sepse pas çdo buzëqeshjeje dhe përqafimi të saj, qëndron një mësim i madh për jetën.