Qendra Kombëtare për Menaxhimin Kufitar ka përditësuar të dhënat lidhur me situatën në pikat kufitare të Kosovës, duke raportuar përmirësime të dukshme në kohën e pritjes së udhëtarëve.
🔻 Dheu i Bardhë – Më pak pritje
Në pikën kufitare të Dheut të Bardhë, pritjet që në orët e mëngjesit arrinin deri në dy orë, janë zvogëluar në rreth një orë, si për hyrje ashtu edhe për dalje nga territori i Kosovës.
🔻 Muçibabë – Deri në 40 minuta pritje për hyrje
Në pikën tjetër kufitare, Muçibabë, qytetarët po përballen me pritje deri në 40 minuta, kryesisht në drejtim të hyrjes në Kosovë.
🟢 Situatë e qëndrueshme në pikat e tjera kufitare
Në të gjitha pikat e tjera kufitare, raportohen pritje më të lehta, që variojnë nga 5 deri në 15 minuta, duke lehtësuar dukshëm qarkullimin për qytetarët.
Ky përmirësim vjen në një periudhë kur fluksi i udhëtarëve është i lartë për shkak të sezonit veror dhe kthimit të mërgimtarëve në vendlindje.