Ramiz Lladrovci dhe Sami Lushtaku, dy prej figurave të njohura të luftës çlirimtare, janë parë së bashku në një protestë kundër padrejtësive që po ndodhin ndaj ish-pjesëtarëve të Ushtrisë Çlirimtare të Kosovës në Hagë.
Ngjarja është shënuar si një moment domethënës, ku dallimet e së kaluarës janë lënë mënjanë për të ngritur zërin e përbashkët kundër një procesi që shumëkush e sheh si të padrejtë dhe të njëanshëm.
Protesta është mbajtur në mbështetje të ish-krerëve të UÇK-së që po mbahen në paraburgim dhe po përballen me akuza në Gjykatën Speciale në Hagë. Mes pankartave, flamujve dhe thirrjeve për drejtësi, vëmendjen e ka marrë praninë e përbashkët e Lladrovcit dhe Lushtakut, të cilët më parë kishin qëndrime të ndryshme publike.
Kjo protestë ka përcjellë një mesazh të fortë uniteti dhe solidariteti, duke rikujtuar se, përballë padrejtësisë, bashkimi është më i rëndësishëm se çdo ndasi politike apo personale.
“Drejtësia nuk është ndëshkim i UÇK-së”, kanë thënë disa nga pjesëmarrësit, duke akuzuar drejtësinë ndërkombëtare për standarde të dyfishta dhe mosveprim ndaj krimeve të kryera ndaj shqiptarëve.