Një video e rikthyer nga arkivat e vitit 1999 po qarkullon sërish, duke kujtuar një moment historik për Kosovën. Në pamje shihen trupat e NATO-s, të cilat pas përfundimit të luftës, i drejtohen paramilitarëve serbë me një urdhër të prerë:
👉 “Keni 30 minuta kohë për t’u larguar nga Kosova. Ky është një urdhër.”
Ky moment simbolik shënoi fillimin e fundin e pranisë së forcave paramilitare serbe në Kosovë, duke hapur rrugën për sigurinë dhe lirinë e qytetarëve kosovarë pas një periudhe të rëndë lufte dhe spastrimi etnik.
Pamjet sjellin emocione të forta për shumë qytetarë që kujtojnë vitin 1999, kur ndërhyrja e NATO-s u bë shpëtim për qindra mijëra shqiptarë të Kosovës, duke ndalur masakrat dhe dhunën e ushtruar nga regjimi i Beogradit.
Ky urdhër i prerë mbetet një nga dëshmitë më të fuqishme të vendosmërisë së aleancës më të madhe ushtarake në botë për t’i dhënë fund një epoke tragjike në historinë e Kosovës.