Pas një periudhe intensive pune dhe angazhimi maksimal, njësia B2 e Termocentralit Kosova B është kthyer në operim sonte, duke kaluar madje edhe afatin e parashikuar më 4 tetor 2025. Ky rikthim shënon një arritje të jashtëzakonshme për sistemin energjetik të Kosovës dhe konfirmon suksesin e investimeve në modernizimin e kapaciteteve prodhuese.
Projekti madhor i rehabilitimit dhe modernizimit të turbinës është realizuar në bashkëpunim me kompaninë prestigjioze General Electric dhe ekspertët vendas të KEK sh.a.. Rezultati është një rritje e dukshme e kapaciteteve prodhuese dhe përmirësim i efikasitetit të sistemit energjetik.
Implementimi i suksesshëm i këtij projekti strategjik pritet të sjellë kursime të konsiderueshme për Korporatën, si dhe të garantojë stabilitet dhe siguri energjetike më të madhe për vendin. Një falënderim i veçantë shkon për stafin profesional dhe menaxhmentin e TC Kosova B, për përkushtimin, kompetencën dhe vizionin e treguar gjatë realizimit të këtij projekti.
Gjatë startimit të njësisë, pranë punonjësve ishin edhe Gramos Hashani, Kryeshef Ekzekutiv i KEK sh.a., dhe bashkëpunëtorët e tij nga menaxhmenti, duke dhënë mbështetje të drejtpërdrejtë në këtë proces historik.
Kosova po ecën drejt një sistemi energjetik më modern dhe efikas – energjia e së ardhmes po krijohet sot.
Rikthimi i njësisë B2 të TC Kosova B përbën një moment kyç për energjinë e Kosovës, pasi kontribuon drejtpërdrejt në stabilitetin e furnizimit me energji elektrike dhe uljen e kostove operative. Ky projekt tregon përkushtimin e KEK sh.a. për modernizimin e infrastrukturës energjetike dhe rritjen e efikasitetit të prodhimit, duke vendosur bazat për një zhvillim më të qëndrueshëm dhe për një plan energjetik afatgjatë. Bashkëpunimi me kompaninë amerikane General Electric është një tregues i profesionalizmit dhe nivelit ndërkombëtar të standardeve të përdorura në këtë projekt, duke i dhënë Kosovës një dimension modernizimi të sistemit energjetik që do të reflektohet në përfitime ekonomike dhe sigurim të energjisë për qytetarët.