Pas publikimit të projektit të ri “Ex” nga Leo, Lela ka pasur një reagim të ashpër, i cili jo vetëm që e definon fundin e lidhjes së tyre, por edhe hedh poshtë të gjitha hamendësimet që kanë qarkulluar javët e fundit rreth kësaj kënge, duke sugjeruar se gjithë zhurma ishte vetëm për marketing dhe jo për realitetin e marrëdhënies së tyre.
Në reagimin e saj, Lela thekson:
“Artisti mund të shkruajë çfarë të dojë, por realiteti nuk është këngë. Unë nuk jam inspirim për askënd. Historia ka marrë fund. Nëse ke nevojë për frymëzim, gjej diku tjetër. S’jam më refren në jetën tënde.”
Ky reagim i Lelas është i qartë dhe vendimtar, duke konfirmuar se marëdhënia mes saj dhe Leos ka përfunduar përfundimisht, pavarësisht spekulimeve të mediave dhe rrjeteve sociale. Reagimi i saj gjithashtu nxit debat dhe vëmendje në rrjetet sociale, ku fansat dhe ndjekësit ndajnë mendimet e tyre mbi këtë fund të marrëdhënies.
Lela duket e vendosur të lërë pas të kaluarën dhe të vazhdojë përpara, duke treguar se nuk do të jetë pjesë e historive që përdoren për zhurmë mediatike ose për promovim të projekteve muzikore.