Forca e Sigurisë së Kosovës ka njoftuar se Kompania e Materieve të Rrezikshme ka përfunduar me sukses trajnimin për përdorimin e pajisjes moderne WTC-3000 GT, e cila shërben për pastrimin e ujit të kontaminuar në situata emergjente.
Pajisja WTC-3000 GT është krijuar për trajtim dhe shpërndarje të ujit në raste kur ai kontaminohet nga fatkeqësi natyrore ose shkaktuar nga njeriu, duke e bërë të papërshtatshëm për përdorim.
Ajo ka kapacitet të pastrojë deri në 3000 litra ujë në orë.
Funksionimi i saj bazohet në presion të lartë dhe kalimin e ujit përmes membranave selektive me procesin e osmozës reverse.
Këto membrana lejojnë vetëm molekulat e ujit të depërtojnë, duke bllokuar kripërat, metalet dhe ndotësit e tjerë – duke siguruar ujë të pastër dhe të sigurt për komunitetin në raste emergjente.