Divizioni i Prodhimit të Qymyrit, 22 janar 2026
Shoqata Sindikale në Divizionin e Prodhimit të Qymyrit (DPQ) ka mbajtur sot Kuvendin Zgjedhor, ku me vota unanime janë zgjedhur drejtuesit e rinj të sindikatës në nivel divizioni dhe departamentesh.
Në krye të DPQ-së, delegatët e kuvendit zgjodhën Fehmi Saraqin si Kryetar të ri, duke i besuar drejtimin e strukturës sindikale në një periudhë të rëndësishme për sektorin e energjisë dhe minierave.
Po ashtu, janë zgjedhur edhe kryetarët e departamenteve përkatëse:
- Departamenti i Mirëmbajtjes – Xhevdet Kastrati
- Departamenti i Djerrinës – Burim Morina
- Departamenti i Qymyrit – Faket Selmani
- Departamenti i Mekanizmit Ndihmës – Xhavit Kerolli
- Departamenti FPX – Jusuf Halilaj
- Departamenti i Rekultivimit – Fazli Fazliu
- Departamenti SIKMZ – Adem Jashari
- Departamenti i Remontit – Fatos Shehu
- Departamenti i Inxhinieringut & Gjeodezisë – Muhamet Zeka
Një nga pikat kryesore të rendit të ditës ishte edhe propozimi për kandidatin e ardhshëm për Kryetar të Sindikatës së Re të KEK-ut. Me propozimin e Selatin Sadikut dhe me përkrahje unanime të anëtarëve të kuvendit, si kandidat u propozua:
Xhelal Jashari, MSc i Gjeoshkencave të Xehetarisë, aktualisht Udhëheqës Sektori në DPQ.
Në këtë takim morën pjesë edhe figura të rëndësishme sindikale dhe menaxheriale, përfshirë Kryetarin aktual të SR-KEK, z. Nexhat Llumnica, si dhe Kryetarin e Divizionit nga TC Kosova B, z. Bekim Osmani.
Në përmbyllje të punimeve, Kuvendi u uroi suksese të zgjedhurve në detyrat e reja, ndërsa kandidatit për Kryetar të Sindikatës së Re të KEK-ut i uroi fat dhe sukses në Kuvendin e ardhshëm zgjedhor.
Ky proces zgjedhor vlerësohet si një hap i rëndësishëm drejt forcimit të përfaqësimit sindikal dhe përmirësimit të kushteve të punës në Divizionin e Prodhimit të Qymyrit.