Tensionet brenda shtëpisë së Big Brother vazhdojnë të rriten, ndërsa një tjetër përplasje verbale ka tërhequr vëmendjen e publikut.
Pas debatit të mëparshëm me Labin, banori Labinot është përfshirë në një tjetër konflikt, këtë herë me Ludon. Ngjarja ka ndodhur në dhomën e gjumit, ku dy konkurrentët janë kapur me fjalë dhe kanë shkëmbyer akuza të ndërsjella për sjelljen e tyre gjatë ditëve të fundit.
Sipas pamjeve, biseda ka nisur me tone të ulëta, por shumë shpejt situata është përshkallëzuar. Labinoti ka reaguar ashpër ndaj Ludos, duke i thënë troç:
“Nuk ta mban me fol me mua”, një fjali që ka ngrirë atmosferën në dhomë dhe ka shtuar edhe më shumë tensionin mes tyre.
Ludo, nga ana tjetër, ka tentuar të mbrojë veten, duke theksuar se ndjehet i keqkuptuar dhe se nuk ka pasur qëllim të provokojë konflikt. Megjithatë, diskutimi ka mbetur i papërfunduar, ndërsa banorët e tjerë kanë preferuar të mos ndërhyjnë drejtpërdrejt.
Momenti është komentuar gjerësisht në rrjetet sociale, ku fansat janë ndarë në mendime për mënyrën se si secili prej tyre po e menaxhon presionin e lojës.
Videoja e plotë e përplasjes tashmë po qarkullon në platforma të ndryshme online.
📹 Videoja e plotë e momentit të debatit:
Nuk ta mban me fol me mua – Labinoti & Ludo