Mbrëmjen e sotme në prime u rikthye në vëmendje emri i Gjestit, ish-banorit të edicionit të kaluar të Big Brother, pas debatit të fortë mes Rogertit dhe Gimbos. Shkak për përplasjen u bë përmendja nga Rogerti e një fatkeqësie personale që kishte prekur Gjestin jashtë shtëpisë, konkretisht vëllain e tij të ndjerë.
Kjo referencë nuk u prit mirë nga Gimbo, i cili reagoi ashpër duke e konsideruar të papranueshme përfshirjen e një ngjarjeje kaq të ndjeshme personale në një debat mes banorëve aktualë. Situata tensionoi atmosferën në studio dhe u bë temë kryesore e diskutimit gjatë mbrëmjes.
I ftuar për të komentuar lidhur me këtë debat, Gjesti – konkurenti nga Kosova dhe ish-banor i shtëpisë – u shpreh se nuk kishte dëshiruar aspak që kjo çështje të diskutohej publikisht. Sipas tij, përmendja e ngjarjeve të dhimbshme personale mund të lëndojë jo vetëm banorët brenda shtëpisë, por edhe familjarë dhe njerëz jashtë saj.
Megjithatë, Gjesti theksoi se me Rogertin e kishte mbyllur këtë kapitull, duke treguar se kishte zgjedhur rrugën e faljes. “Falja është burrëri,” u shpreh ai, duke lënë të kuptohet se nuk mban mëri dhe se nuk dëshiron të ushqejë konflikte të panevojshme.
Ndërkohë, Gjesti komentoi edhe për publikimin e këngës së tij për Villain, duke zbuluar se pikërisht ditën kur ajo u publikua kishte ndjerë se diçka po ndodhte jashtë shtëpisë së Big Brother. Sipas tij, ishte një ndjesi e fortë, e pashpjegueshme, që më pas mori kuptim me reagimet dhe zhvillimet që pasuan.
Rikthimi i emrit të Gjestit në prime, edhe pse jo si banor, tregoi edhe një herë se historia dhe emocionet e edicioneve të kaluara vazhdojnë të ndikojnë fuqishëm në dinamikën e lojës aktuale dhe në reagimin e publikut.