PEJË & OBILIQ – Kanë kaluar saktësisht tre vite që kur uji mori gjithçka, madje edhe jetë njerëzish, por për Qeverinë e Kosovës, viti 2023 duket se i përket një shekulli tjetër. Sot, dhjetëra familje nuk po luftojnë më me baltën, por me “murin e lartë” të burokracisë dhe premtimeve të thyera.
🔴 Skandali i “Ping-Pongut” Institucional
Në Pejë, familja Ademaj është monumenti i gjallë i kësaj neglizhence. Kanë humbur dy familjarë dhe shtëpinë e tyre, por sot e kësaj dite mbeten në rrugë.
“Përgjigje si top i futbollit: Komuna thotë e ka Qeveria, Qeveria thotë Komuna. Tri vjet pa shtëpi, dy viktima… jemi të zhgënjyer!” – thotë Milaim Ademaj, në një rrëfim që të rrëqeth mishin.
🔴 20 Mijë Euro dëme, 0 Euro ndihmë
E njëjta histori përsëritet në Obiliq. Hajriz Rizvani është goditur tri herë nga vërshimet. Edhe pse komisionet kanë dalë në terren dhe kanë vlerësuar dëmet mbi 20 mijë euro, llogaria e tij mbetet zero.
• Realiteti: Qytetarët po investojnë me borxhe për të riparuar shtëpitë.
• Reagimi: Institucionet heshtin, ndërsa raportet e vlerësimit “kalben” nëpër zyra.
🔴 Ku mbeti Ligji?
Edhe pse Ligji për Mbrojtje nga Fatkeqësitë Natyrore obligon shtetin të kompensojë qytetarët, Ministria e Administrimit të Pushtetit Lokal (MAPL) ia ka dorëzuar topin Qeverisë, e cila ka zgjedhur heshtjen totale përballë pyetjeve të medias.
Ndërsa vërshimet e reja po trokasin në dyer, plagët e vitit 2023 mbeten të hapura. Qytetarët po pyesin: A kemi shtet për t’na mbrojtur, apo vetëm për t’na regjistruar dëmet?