Autoritetet shëndetësore në Mbretërinë e Bashkuar kanë nisur hetime lidhur me një situatë shqetësuese që ka prekur foshnjat. Sipas raportimeve, 36 fëmijë kanë shfaqur simptoma që përputhen me helmimin, pasi kanë konsumuar qumësht të kontaminuar nga seritë e fundit të disa brendeve të njohura për foshnja.
Më 6 janar, kompania Nestlé tërhoqi nga tregu disa seri të produkteve të saj bazë për foshnja, duke përfshirë SMA, BEBA dhe NAN, në të gjithë Evropën. Arsyeja ishte kontaminimi i mundshëm me toksinën cereulide, një substancë që mund të shkaktojë të përziera dhe të vjella te foshnjat.
Dy javë më vonë, Danone tërhoqi nga tregu një seri të formulës së saj për foshnje Aptamil, duke zgjeruar shqetësimet për praninë e toksinës në produktet e konsumit të hershëm. Autoritetet shëndetësore britanike theksuan se pasi produktet e prekura ishin në dispozicion për një periudhë të gjerë kohore, pritej që disa raste të helmimit të raportohej në spitale.
Ndërkohë, prindërit janë këshilluar të kontrollojnë paketimet e produkteve të foshnjave dhe të mos i përdorin ato nëse përkojnë me seritë e tërhequra nga tregu. Autoriteti i Sigurisë Shëndetësore po vazhdon hetimet për të identifikuar burimin e kontaminimit dhe për të parandaluar raste të reja.
Ky incident nënvizon rëndësinë e kontrolleve strikte në prodhimin e ushqimeve për foshnja. Tërheqja e produkteve nga dy kompanitë kryesore, Nestlé dhe Danone, tregon se edhe markat më të mëdha nuk janë të imunizuara ndaj gabimeve në prodhim dhe kontaminimit.