Lirim Mehmetaj, i njohur si analist me qëndrim të qartë pro-opozitës, ka reaguar ashpër ndaj qeverisjes së Vetevendosjes, duke e cilësuar atë si një qeveri “e poshtër” dhe “anti-kombëtare”. Ai e ka kritikuar vendimin e Qeverisë Kurti për të mos përfshirë Buxhetin e Prishtinës në Projektligjin për Buxhetin e vitit 2026, duke e parë si një goditje direkte ndaj kryeqytetit dhe qytetarëve të tij.
Sipas Mehmetajt, kjo lëvizje është krahasueshme me periudhën kur Serbia i anashkalonte financat Kosovës, duke penalizuar qytetet kryesore vetëm për arsye politike. Ai veçanërisht përmend kryetarin e Prishtinës, Perparim Rama, duke thënë se Albin Kurti ka “frikë të hapur” ndaj tij dhe për këtë e ka anashkaluar qytetin financiarisht.
“Veprimet e VV-së janë anti-Kushtetuese, sepse cenojnë financat e kryeqytetit, anti-kombëtare, sepse i lënë banorët pa buxhet, dhe anti-njerëzore, sepse po i privon qytetarët e Prishtinës nga shërbimet bazë,” shkruan Mehmetaj. Ai gjithashtu kritikon qeverinë për presion ndaj partive opozitare, duke u kërkuar atyre të votojnë këtë projektligj të papranueshëm.
Analisti pro-opozitës nuk kursen as krahasimet historike: sipas tij, VV-ja po përsërit të njëjtat praktika “poshtëruese” që pati në vitin 2015 kur sulmoi Kuvendin me zollë, duke treguar një model të vazhdueshëm arrogancë dhe dhune politike.
Për Mehmetajn, reagimi i opozitës dhe i analistëve pro-opozitës si ai është një paralajmërim se marrëdhëniet ndërmjet qeverisë dhe kryeqytetit po tensionohen, ndërkohë që qytetarët e Prishtinës mbeten të pasigurt për financat dhe shërbimet që duhet të sigurohen nga buxheti i tyre.