VIDEO/ Pamje ekskluzive: Momenti kur e reja rrëmbehet dhe futet me forcë në një veturë në Mitrovicë
Pamje shqetësuese kanë dalë nga një ngjarje e rëndë e ndodhur në rrugën “Nexhip Dragaj” në Mitrovicë, ku një e re nga komuniteti rom dyshohet se është rrëmbyer dhe futur me forcë në një automjet nga një grup personash.
Në videon ekskluzive shihen momentet kur disa persona i afrohen të resë dhe, pas një përballjeje të shkurtër, e fusin me forcë brenda një veture, ndërsa automjeti largohet nga vendi i ngjarjes.
Pamjet kanë shkaktuar reagime të shumta në rrjetet sociale për shkak të mënyrës se si ndodhi incidenti, i cili u zhvillua në një zonë publike.
Lidhur me rastin, autoritetet kompetente pritet të zbardhin rrethanat e plota të ngjarjes, të identifikojnë personat e përfshirë dhe të sqarojnë motivet që çuan në këtë incident.
Hetimet janë në zhvillim dhe pritet që në vijim të publikohen informacione të tjera zyrtare lidhur me rastin.
Shënim: Informacionet bazohen në raportimet fillestare. Personat e përmendur ose të dyshuar në këtë rast prezumohen të pafajshëm derisa përgjegjësia e tyre të provohet me vendim të formës së prerë nga gjykata.