Ku transmetohet sonte meçi Joshua – Prenga? Ja ora dhe platforma zyrtare
Sonte zhvillohet një nga përballjet më të shumëpritura të boksit, ku Anthony Joshua do të përballet me boksierin shqiptar Kristian Prenga, në një duel që ka tërhequr vëmendjen e tifozëve të sportit në mbarë botën.
Interesimi për këtë sfidë është jashtëzakonisht i madh, ndërsa shumë adhurues të boksit po kërkojnë të dinë se ku mund ta ndjekin drejtpërdrejt meçin.
Programi nis në ora 19:00
Sipas orarit lokal në Kosovë, programi kryesor i mbrëmjes fillon në ora 19:00, ku do të zhvillohen disa duele paraprake para përballjes kryesore.
Ndërsa, sipas organizatorëve, Anthony Joshua dhe Kristian Prenga pritet të ngjiten në ring rreth orës 23:00, megjithëse kjo orë mund të ndryshojë lehtë në varësi të kohëzgjatjes së meçeve paraprake.
Meçi transmetohet ekskluzivisht në DAZN
Përballja do të transmetohet ekskluzivisht në platformën DAZN Pay Per View (PPV), e cila mban të drejtat zyrtare të këtij eventi.
Kjo do të thotë se meçi nuk do të transmetohet falas në televizionet tradicionale, por mund të ndiqet vetëm përmes platformës DAZN, pasi përdoruesit të blejnë aksesin Pay Per View sipas kushteve të ofruara nga platforma.
Interesim i madh për duelin
Përballja mes Joshua dhe Prengës pritet të jetë një nga ngjarjet më të ndjekura sportive të mbrëmjes, me mijëra tifozë që do të jenë të fokusuar te performanca e dy boksierëve.
Mbetet të shihet nëse Kristian Prenga do të arrijë të shkaktojë surprizën ndaj njërit prej emrave më të mëdhenj të boksit botëror.
NovaFlash do t’ju sjellë rezultatin, pamjet dhe zhvillimet kryesore menjëherë pas përfundimit të meçit.