Sipas Normandy Index 2025, të përgatitur nga Shërbimi Kërkimor i Parlamentit Evropian (EPRS), Kosova renditet e 13-ta në botë për nivelin më të ulët të kërcënimeve strategjike ndaj paqes dhe demokracisë, dhe e parë në Ballkanin Perëndimor për Siguri Strategjike.
Indeksi vlerëson vendet në bazë të disa fushave kyçe, përfshirë:
- stabilitetin politik dhe institucional,
- sundimin e ligjit dhe funksionimin demokratik,
- reziliencën ndaj dezinformimit dhe ndikimeve të huaja,
- rrezikun e konflikteve dhe sigurinë kombëtare,
- kërcënimet hibride dhe presionet gjeopolitike.
Ky vlerësim pozicionon Kosovën në mesin e 10% vendeve më të sigurta në botë, duke reflektuar progresin, stabilitetin dhe orientimin euroatlantik të vendit.
Ky rezultat ndërkombëtar tregon për kontributin e institucioneve dhe orientimin e vendit drejt sigurisë dhe demokracisë, duke e vendosur Kosovën si një shembull pozitiv në rajon.