Gjatë spektaklit të BBVK4, prezantuesi Alaudin e pyeti Elijonen nëse ishte mërzitur pas skenave të fundit mes Klodit dhe Benitës. Në përgjigjen e saj, Elijona u shpreh se nuk është tërhequr nga pëlqimi që ka pasur për Klodin, duke theksuar se ende ndodhet në proces për të kuptuar ndjenjat e saj.
Ajo shtoi se e kupton Benitën dhe se mënyra se si ajo e ka mbrojtur e ka bërë të ndihet e vlerësuar, madje kjo sjellje ka ndikuar që ta pëlqejë edhe më shumë. Megjithatë, Elijona nuk i fshehu dyshimet për Klodin, duke lënë të kuptohet se situata mund të përfundojë njësoj si ajo që ajo vetë ka përjetuar.
“Me Benitën ndoshta është ndryshe, por më shumë mendoj se Klodi e ka pasur lojë”, u shpreh Elijona, duke ngritur pikëpyetje mbi sinqeritetin e tij dhe zhvillimet e ardhshme në BBVK4.