Komuna e Fushë Kosovës ka pranuar një donacion nga kompania INTEREX, i cili përbëhet nga 33 paleta me bidonë uji, të destinuara për përdorim në raste nevoje.
Donacioni është pranuar nga Drejtoria e Shërbimeve Publike dhe do të shërbejë kryesisht në situata emergjente, duke kontribuar në përballimin e nevojave të qytetarëve në momente të ndjeshme.
Përfaqësuesit e komunës kanë vlerësuar lart këtë veprim solidar, duke theksuar rëndësinë e bashkëpunimit ndërmjet institucioneve publike dhe sektorit privat në mbështetje të komunitetit.
Komuna e Fushë Kosovës shpreh falënderimet e saj të sinqerta për kompaninë INTEREX për humanizmin, solidaritetin dhe mbështetjen e vazhdueshme ndaj qytetarëve të kësaj komune.