Policia njofton qytetarët se pas vërshimeve në zonën e rrugës Prishtinë – Ferizaj, në afërsi të Prishtina Mall, janë gjetur disa tabela të automjeteve.
Të gjitha tabelat e gjetura janë dorëzuar në Stacionin Policor në Graçanicë. Pronari i tabelave ftohet të paraqitet në stacion për të bërë tërheqjen e tyre.
Policia falënderon qytetarët për bashkëpunimin dhe apelon për kujdes gjatë qarkullimit në zonat e prekur nga vërshimet.