Prishtinë, 25 Janar 2026 – Instituti Hidrometeorologjik i Kosovës (IHMK) ka njoftuar se gjatë javës së ardhshme moti do të jetë i ndryshueshëm, kryesisht i vranët dhe me reshje shiu.
Sipas IHMK-së, reshjet më intensive parashihen ditën e hënë, lokalisht me intensitet mesatar deri të lartë. Autoritetet paralajmërojnë qytetarët për kujdes të shtuar në komunikacion, veçanërisht në zonat urbane dhe ato ku grumbullohet uji.
“Temperaturat minimale do të lëvizin nga -1 deri në 5°C, ndërsa maksimalet pritet të jenë 6–10°C. Të mërkurën mund të ketë mjegull në disa zona, kryesisht në viset mesatare, lugina dhe përgjatë relievit malor, gjë që mund të zvogëlojë dukshmërinë në mëngjes,” thuhet në njoftim.
Era do të fryjë nga drejtime të ndryshme, me shpejtësi maksimale deri në 5 m/s.
Parashikimi i motit sipas ditëve:
- E hënë: Moti i vranët dhe me shi; në viset malore pritet shi me borë.
- Minimalet: 3–5°C | Maksimalet: 6–8°C
- Era: Juglindje, 1–5 m/s
- E martë: Moti i vranët, vende-vende me riga shiu.
- Minimalet: 2–4°C | Maksimalet: 5–8°C
- Era: Verilindje, 1–5 m/s
- E mërkurë: Intervale me diell dhe mjegull në mëngjes në viset mesatare dhe malore.
- Minimalet: -1–1°C | Maksimalet: 6–9°C
- Era: Verilindje, 1–4 m/s
- E enjte: Moti i vranët, vende-vende me riga shiu.
- Minimalet: 1–4°C | Maksimalet: 7–10°C
- Era: Verilindje, 1–5 m/s
- E premte: Moti i vranët, vende-vende me riga shiu.
- Minimalet: -1–1°C | Maksimalet: 6–9°C
- Era: Veriperëndim, 1–3 m/s
Qytetarët këshillohen të jenë të kujdesshëm gjatë udhëtimeve, sidomos në mëngjes kur mund të ketë mjegull dhe rrugët mund të jenë të rrëshqitshme.