Apel urgjent për ndihmë – Dhimitri ka nevojë për 30 mijë euro që të ecë sërish
Një apel prekës për ndihmë është bërë për Dhimitër Qerimin, i cili ka nevojë për një operacion urgjent që mund t’i rikthejë mundësinë për të ecur sërish.
Sipas familjes, ndërhyrja kirurgjikale do të kryhet në Spitalin St. Luke’s në Selanik, ndërsa kostoja e operacionit arrin në 30 mijë euro. Shuma duhet të depozitohet përpara pranimit të pacientit në spital, gjë që e bën situatën edhe më urgjente.
Familjarët u bëjnë thirrje të gjithë qytetarëve që kanë mundësi të japin kontributin e tyre, pasi çdo ndihmë, pavarësisht shumës, mund ta afrojë Dhimitrin një hap më pranë operacionit që mund t’i ndryshojë jetën.
Ata theksojnë se edhe nëse dikush nuk ka mundësi të dhurojë, shpërndarja e këtij apeli mund të jetë po aq e vlefshme, pasi mund të arrijë te njerëz që janë në gjendje të ndihmojnë.
Të gjithë ata që dëshirojnë të kontribuojnë mund ta bëjnë këtë përmes fushatës GoFundMe, e hapur për mbledhjen e fondeve të nevojshme për operacionin.
🙏 Çdo ndihmë ka rëndësi. Le të bashkohemi për t’i dhënë Dhimitrit një shans për të ecur sërish.