Messi zbulon pse refuzoi Spanjën: Zemra ime i përkiste gjithmonë Argjentinës
Legjenda e futbollit, Lionel Messi, ka zbuluar se në të kaluarën kishte mundësinë të përfaqësonte Spanjën, por vendimi i tij ishte i qartë që nga fillimi – të luante vetëm për Argjentinën.
Messi tha se e dinte që Spanja e dëshironte në kombëtare dhe se, nëse do ta pranonte atë mundësi, do ta kishte më të lehtë të fitonte Kupën e Botës.
“Zemra ime i përkiste Argjentinës”
“E dija që Spanja më donte. Mund të isha bërë lehtësisht kampion bote me Spanjën, por zemra ime i ka përkitur gjithmonë Argjentinës.”
Ai pranoi gjithashtu se në disa momente kishte ndjerë zili ndaj bashkëlojtarëve të tij te Barcelona, të cilët kishin fituar tashmë Kupën e Botës me kombëtaret e tyre.
“Ndonjëherë ndihesha xheloz për shokët e mi te Barça që e kishin fituar tashmë Kupën e Botës. Por ëndrra ime ishte gjithmonë ta ngrija trofeun me vendin tim.”
Ëndrra u bë realitet
Messi theksoi se kurrë nuk e humbi besimin se Argjentina do ta arrinte një ditë suksesin më të madh.
“Gjithmonë besoja se do ta arrinim… dhe në fund ia dolëm për popullin tonë.”
Me triumfin në Kupën e Botës, Lionel Messi realizoi ëndrrën e tij më të madhe dhe vulosi statusin si një nga futbollistët më të mëdhenj në historinë e këtij sporti.