Rreth orës 22:15 të mbrëmjes së sotme, në magjistralen Fushë-Kosovë, në segmentin e njohur si “Rruga e Pejës”, janë krijuar kolona të gjata automjetesh, duke shkaktuar vonesa të konsiderueshme në qarkullim.
Sipas dëshmitarëve, dy automjete të ambulancës, me sinjalizim zanor dhe dritor të ndezura, u bllokuan në trafik, pasi mjetet e tjera nuk kishin hapësirë për t’u larguar. Situata ka ngritur shqetësime për vonesat e mundshme në ofrimin e ndihmës emergjente, sidomos në raste kur çdo sekondë mund të jetë vendimtare.
Autoritetet rrugore dhe policia pritet të vlerësojnë rrethanat dhe të marrin masa për lehtësimin e qarkullimit në këtë segment të ngarkuar, sidomos në orët e pikut.